حمام محشى بخليط الكبدة والأرز

المقادير
زوج حمام - كوب كبير أزرمغسول ومصفى - بصلة كبيرة مقطعة قطع صغيرة - ملعقة صغيرة فلفل أسود حب - 2 معلقة كبيرة سمنة - عصير 3 ليمونات - 2 فص حبهان - ورقة لاورا - ملح وفلفل - كوب دقيق - بهارات

الطريقة
1-اغسلي الحمام كويس من جوه ومن بره بالميه وانقعيه لمدة ساعة في الدقيق وعصير الليمون
2-وبعد كده اشطفيه كويس جدا بالميه واعملي فراغ بين الجلد واللحم بحرص شديد بحيث إن الجلد ما يتقطعش منك
3-تبلي الحمام بالملح والفلفل من جوه وبره وبين الجلد واللحم ومنطقة الرقبة وسيبيه لمدة نصف ساعة علشان يتبل كويس
4- وفي الفترة دي ابدئي في تجهيز حشو الحمام
بإنك تقطعي كبدة الحمام قطع صغيرة جدا وتخلطيها مع البصلة وتضيفي عليهم بهارات اللحمة والملح والفلفل وملعقة السمنة وتقلبيهم كلهم مع بعض كويس
5-شوحي خليط الكبدة والبصل على النار لمدة 10 دقايق مع التقليب وبعد كده ضيفي عليه الرزوقلبيهم كلهم مع بعض لمدة 10 دقايق كمان وبعد كده ضيفي عليهم الميه وسيبيهم على النار لغاية ما الميه تغلي وبعد كده هدي النار وسيبيه علشان الرز يتشرب ويستوي
6-وبعد كده ابدئي في حشو الحمام بخليط الرز اللي عندك وخدي بالك إنك تحشي قلب الحمام وبين الجلد واللحم ومنطقة الرقبة واغلقيه بخلة الأسنان واسلقيه وبعدين حمريه بالسمنه يحمر ويقدم وبالهناااا...