سمك فيليه فى الفرن

‫#‏مطبخ_دعاء_عاشور‬

المقادير
سمك فيليه - ملح - فلفل اسود - كمون - توم مفروم - بشر ليمون مفروم - اربع معالق كبيره خل ابيض - ربع كوب زيت - تلت كوب ماء - ملح

الطريقه
قطعي سمك فيليه قطع مربعه واغسلي السمك بالماء البارد فقط ولمدة دقيقه واحده عشان ميتهريش بشوكه اغرسيها في السمك علي مسافات متقاربه عشان يشرب التتبيله لكن لو رفيع بلاش عشان ممكن يتهرى هنحضر معلقتين من كل نوع من التوابل هنحط التوابل في طبق ونضيف الخل وزيت الزيتون للتوابل ونقلب الخليط حطي الخليط فوق السمك وقلبي السمك من الناحيتين في التتبيله بحيث تدخل التتبيله في الخروم اللي عاملينها بالشوكه اللي باقي من التتبيله هنحط عليهم تلت كوب ماء ونصبه في الصينيه ونقفل الصينيه بفويل وندخلها الفرن تلت ساعه وبعدين نشيل ورق الفويل ونسيب الصينيه مكشوفه تلت ساعه كمان وخلي بالك مش عاوزين المايه كلها تنشف عاوزين شوية صوص هنسقي السمك من الصوص بتاعه ونقفل الفرن وتقدم ومع تحياتى دعاء عاشور وبالهنا...