فطيرة اللحمة المفرومة

مقادير العجينة
2ونصف كوب دقيق-مكعب زبدة كبير مقطع شرائح-نصف ملعقة صغيرة ملح-7ملعقة كبيرة مايه

مقادير الحشو
ربع كيلو لحمة مفرومة معصجة-بصل مقطع قطع صغيرة-ربع كوب جبنة شيدر مبشورة-تلت تربع كوب لبن-كوب كريمة-زيت زيتون-3 بيضة

الطريقة
1- لعمل العجينة
ضيفي الملح للدقيق وقلبى مع الزبدة وضيفي عليهم المياه واستمري بالضرب لحد ما تختلط العجينة وبعدين افردي العجينة بإيدك واقسميها نصفين وغلفيهم بكيس وحطيهم في الثلاجة لمدة 30 دقيقة
2-طلعي العجينة من الثلاجة وافرديها في صينية فرن ودخليها فرن ساخن لمدة من 10 او 15 دقيقة وبعد كده طلعي العجينة من الفرن وسيبيها على جنب
3-قلبى البيض مع الكريمة واللبن والزعتر وسيبيهم على جنب وبعدين افردي نصف كمية اللحمة على العجينة وبعدين ضيفي نصف كمية الجبنة
4- وبعد كده ضيفي خليط البيض والكريمة وبعدين ضيفي باقي كمية اللحمة والجبنة ودخلي العجينة مرة تانية في الفرن لمدة من 40 : 45 دقيقة وبعدين طلعيها من الفرن وسيبيها تبرد شوية وبعدين قدميها.. وبالهناااااااااااااا.............

**ملحوظة
ممكن تستخدمي النصف التاني من العجينة في مرة تانية..........