برجر البطاطس بالبسلة والرز صيامى

المقادير
كوب رز أبيض - حبة بطاطس متوسطة الحجم مغسولة ومتقشرة ومتقطعة شرائح - كوب ونصف بسلة مسلوقة - رغيف خبز مقطع قطع صغيرة - معلقتين كمون - فص ثوم مفروم - معلقتين بقدونس مفروم - ملح وفلفل أسود - معلقتين زيت

الطريقة
1-اسلقي الرز عن طريق إنك تحطيه في مايه مغلية فيها ملح لمدة 15 دقيقة أو لحد ما يبقى طري وبعد كده صفيه من المايه كويس
2- في الوقت اللي الأرز بيتسلق فيه اسلقي البطاطس في حلة فيها مايه مغلية وملح وبعد كده صفيها من المايه كويس
3-فى طبق حطي فيه البطاطس واهرسيها بالشوكة لغاية ما تبقى عجينة ضيفي إليها الأرز والبسلة وقطع الخبز والكمون والثوم والبقدونس والملح والفلفل وقلبيهم مع بعض كويس
4- ابدئي في تشكيل الخليط السابق على شكل أقراص تشبه أقراص البورجر
5- سخني الزيت على النار كويس واقلي فيه أقراص البورجر لمدة عشر دقائق مع مراعاة التقليب من حين لآخر عشان يِحمر
6- طلعيه من الزيت وحطيه في طبق التقديم وممكن مع الطبق ده تعملي بطاطس محمرة وبالهناا.