مقلوبة دجاج

‫#‏مطبخ_دعاء_عاشور‬
المقادير
1 ونصف كيلو دجاج - تلات أكواب أرز - بصلة مقعطة مكعبات متوسطة - ثمرة طماطم متقطعة شرائح وواحدة تانية متقطعة مكعبات - تلات ثمرات بطاطس متقطعين شرائح - ثمرتين بذنجان شرائح - ملعقة صغيرة ممسوحة قرفة - ملعقة صغيرة ممسوحة كركم - حبهان - مستكة- ورق لورا - كسبرة خضراء - مكعب مرقة

الطريقة
الاول حنجيب الدجاج ونقطعها بحيث تبقى قطع مش كبيرة ولا صغيرة وتتتفت مننا في التسوية
حنجيب حلة و نحط شوية زيت و نشوح البصل و بعدين حنحط الدجاج و نسيبها شوية تتشوح مع البصل و بعدين حنحط الطماطم المتقعطة مكعبات كبيرة و الكسبرة الخضرا اول ما الطماطم تبدأ تدبل حنحط ست أكواب ماء لان ديه الماء اللي حنستخدمها و احنا بنعمل الأرز و مكعب المرقة و الحبهان و المستكة و القرفة و نغطي على الحلة و نسيب الدجاج تستوي
والدجاج بتتسلق حنقلي البتنجان و البطاطس في الزيت و نطلعهم و نسيبهم يتصفوا من الزيت
حنغسل الأرزكويس وبعدين نسيبه يتنقع في الماء خمس دقايق وبعد ما نصفيه من الماء حنخلطه كويس بالكركم عشان يخد اللون الاصفر اللي احنا عايزينه في المقلوبة حنجيب الحلة و نبدأ نرص الاول حندهن الحلة سمنة وبعدين حنرص الطماطم الشرائح وبعدها حنرص الدجاج وراها البذنجان و بعدين البطاطس و ف النهاية حنحط الأرز وحنجيب شوربة الدجاج اللي سلقناها فيها و نحطها في الحلة و بعدين نهز الحلة بالراحة عشان نتأكد ان الشوربة اتسربت لكل اجزاء المقلوبة وعلى نار متوسطة حنحط الحلة و اول ما الشوربة تغلي حنوطي عليها و نغطيها و نسيب الأرز يستوي لمدة ربع ساعة وعلشان تتأكدي انك لما حتقلبي المقلوبة بتاعتك ف الطبق حتنزل معاكي وتديكي شكل المقلوبة الجميل ده اول ما تشيلي الحلة من على النار و هي متغطية هزيها بالراحة كذا مرة و بعد ما تقلبيها اخبطي على الحلة بملعقة خشب خبطات خفيفة عشان تتأكدي ان كل المقادير بتاعتك نزلت ف الطبق و سيبي الحلة و هي مقلوبة كده عشر دقايق و بعدين شيليها بالراحة وتثدم مع تحياتى دعاء عاشور وبالهنا...