أسرار نجاح الكحك

#مطبخ_دعاء_عاشور

1 - عشان الكعك يكون ناعم لا زم نبسه كويس قوى وماء العجن مايكونش كتير لأن المياة الزائدة هى اللى بتنشفة وفية ناس كتير فاهمة العكس ان كل ما تحطيله ماء يبقى ناعم وطرى و يستغربوا لما يحطوا ماء و يطلع ناشف

2 - ابقى حطى السمسم ابيض ورشية على وش الدقيق فلما تيجى تصبى السمن المقدوح قوى حينزل على السمسم يحمصة

3 - لما تخلصى الكحك وتحطية فى الصاجات علشان يخمرلما تلاقى الكحكة نشفت تعرفى انها خمرت

4 - ماتتقيديش بمقدار الدقيق اللى مكتوب لان نوعه بيختلف من دقيق للتانى يعنى ممكن ماتستعمليش الكمية المكتوبة كلها وممكن تحتاجى تضيفى دقيق تانى

5 - بنستخدم لكل كيلو دقيق علية كوب ماء او كوب ونص ماء لحد ماتلاقى العجينة طرية واتلمت

6 - لما تيجى تنقشى الكحك بالمنقاش وانتى بتنقشى ابقى اضغطى على النقش وارفعى ايدك بالنقشة لفوق علشان السكر البودرة يبقى ثابت جوة النقشة

7 - بنستخدم ملعقة خميرة فورية لكل 4 كوب دقيق

* ومع تحياتى دعاء عاشور ....