سوبيا المززة
سوبيا المززة
المقادير
كيلو ارز- نصف كيلو لبن - 2 كوب زبادي كبير- ملح ليمون (هتلاقيه عند العطار) - سكر
الطريقة
1-هاتي الأرز واغسليه كويس جدا وحطيه في حلة على النار وحطي عليه كمية من الميه بحيث تغطي الأرز بالكامل وسيبيه لغاية ما يتسلق مع مراعاة إن الأرز ما يشربش الميه كلها يعني لو حسيتي إنه محتاج ميه ممكن تزودي له
2-قلبى الأرز المسلوق في الخلاط شوية شوية وبعد ما تحسي إن الأرز كله بقى ناعم زي المهلبية ضيفي عليه اللبن والزبادي وملح الليمون والسكر واصربيهم مع بعض كويس جدا
3-وبعد ما المقادير كلها تختلط ببعض صبيها في أطباق التقديم وحطيها في الثلاجة وعند التقديم ممكن تزينيها بالقرفة
**ملحوظة
كمية ملح الليمون والسكر بتتحدد على حسب درجة المزازة اللي إنتي عايزاها
ولو عايزة تعملي السوبيا الحلوة فكل اللي عليكي إنك تلغي ملح الليمون من المقاديروتقدم مع تحياتى دعاء عاشور وبالهناا..
صلاحيات هذا المنتدى:
لاتستطيع الرد على المواضيع في هذا المنتدى