رقاق الطرى

المقادير
10 رقاقات طرى-نصف كوب سمنه-نصف كيلو لحم مفروم
1 بصله مفرومه-1 طماطم مكعبات-1 معلقه ثوم مفروم-1 معلقه زيتون مفروم-1 ربطه صغيره بقدونس مفروم-ملح وفلفل اسود
نصف معلقه كمون

الطريقه
فى حله على النار فيها معلقه سمنه بحط البصله المفرومه وبعدين الثوم وبعدين اللحمه المفرومه وبعصج اللحمه كويس واول متستوى معايا بضيف التوابل كلها وبعدين الطماطم والزيتون والبقدونس وبشيلها من على النار وبصفيها فى مصفاه بعد كده بجيب صينيه وبجيب الرقاق وبدهن كل رقاقه لوحدها بالسمنه دهان خفيف وبحط معلقتين كبار من الحشوه المعصجه دى جوه الرقاقه وبلفها زى الكنالونى والكريب كده وفى الصينيه المدهونه سمنه برص الرقاق بجانب بعضه وفى الاخر برش سمنه على الوش وبدخله الفرن لمده 10 دقايق فى الرف الاوسط وبطلعه بعد ماياخد اللون الدهبى الجميل بقطعه وبقدمه ساخن وبالهناااا....