كلمارى محشى

من طرف duaa الخميس نوفمبر 26, 2015 1:38 pm

#‏مطبخ_دعاء_عاشور‬

المقادير
1 كيلو كلمارى متنضف كويس ومنقوع فى مية ومعلقة خل و ليمون لمدة ساعة - رز بالطماطم والخضرة والبصل زي بتاع المحشى بالظبط - جمبرى متقشر و متقطع قطع صغيرة

الطريقة
اول حاجه هنضيف الجمبرى على الرز ونقلبهم وبعدين نحشي الكلمارى بالرز وياريت مش تمليه اووى خليه مهوي شوية زي الممبار بالظبط
ونجهز حلة مية على النار متقطع فيها بصلة وبهارات وياسلام لو عندك بهارات سمك
المهم بعد ماالمية تغلى نسقط الكلمارى واحده واحده فى المية ونسيهم يستوى نص ساعة تقريبا
لحد ماالكلمارى يستوى نجهز الخلطة اللى هتتحط عليه
ومقاديرها
طماطم مقطعه مكعبات - فلفل مقطع صغير - معلقتين بقدونس مفروم - 5 فصوص ثوم - بهارات ( ملح - فلفل أسود - كسبرة - كمون - ثوم - بصل )
كوباية ميه مدوبة فيهم معلقتين صلصة

الطريقة
نشوح التوم مع الفلفل فى زيت او سمنة نضيف ليهم الطماطم والبقدونس المفروم وبعدين كوب المية مخفف بالصلصة والبهارات ونسيبهم يستوى كويس لحد مايتقلوا وصفي الكلمارى فى مصفاه ورصيه فى بيركس وحطي فوقه الخلطه ودخليه الفرن تلت ساعه وعشر دقايق تحت الشواية ويقدم ومع تحياتى دعاء عاشور وبالهنا..