ارز بالبشاميل والكبدة

المقادير
2 كوب ارز-ربع كيلو كبدة فراخ-بصلة صغيرة مفرومة-2 ثمرة فلفل ألوان مقطعه شرائح-كوب زيتون مقطع شرائح-4 ملعقة كبيرة زبدة-2 فص ثوم مفروم-2ونصف كوب ميه-مكعب مرقة دجاج-ملعقة صغيرة قرفة-ملعقة صغيرة بهارات-جوزة الطيب-كوب جبنة رومي مبشورة-ملح وفلفل

مقادير البشاميل
3 ملعقة كبيرة دقيق-2 ملعقة كبيرة زبدة-نصف كيلو لبن

الطريقة
1-شوحي البصل والثوم في الزيت لمدة دقيقتين وبعدين قطعي الكبدة قطع صغيرة وحطيها مع البصل
2- سيبي الكبدة على نار عالية لحد ما تغلي وتنزل ميتها وبعدين تشربها تاني وغطي الحلة وسيبيها تستوي
3- قبل ما الكبدة تستوي ضيفيه عليها الفلفل وبعدين ضيفي الزيتون وتبليها بالملح والفلفل والبهارات والقرفة وجوزة الطيب
4- في الوقت ده اسلقي الأرز بإنك تحطي ميه على النار لحد ما تغلي وبعدين حطي فيها ملح وملعقتين زبدة ومكعب مرقة دجاج وبعدين حطي الرز بعد ما تغسليه كويس
5- سيبي الرز على نارلحد ما يتشرب الميه وبعدين هدي النار أوي وغطي الحلة وسيبيها لحد ما الرز يستوي
6- في الوقت ده اعملي البشاميل
قلبى الدقيق مع الزبدة وتقلبيهم على النار لحد ما الدقيق يبقى لونه دهبي وبعدين صبي عليه اللبن وقلبيه بسرعة علشان الدقيق مايعملش كتل والصوص يبقى ناعم وتبليه بالملح والفلفل ومكعب مرقة دجاج ولو حسيتي إن الصوص بقى تقيل ممكن تزوديه شوربة أو لبن لحد ما يوصل للسمك اللي إنتي عايزاه
7-وبعد كده رصي كل المقادير في القالب
حطي طبقة أرز في الأول وبعدين حطي الكبدة وبعدين طبقة تانية من الأرزوبعدين حطي البشاميل في الآخر ورشي عليه الجبنة ودخليه الفرن لمدة 20 دقيقة أو لحد ما وشه يحمر...ويقدم..........بالهنااااااااااااااا..