كرات بطاطس محشية جبنة وزيتون

#مطبخ_دعاء_عاشور

المقادير
نصف كيلو بطاطس مسلوقة ومهروسة - جبنة رومى او اى نوع جبنه - زيتون - فلفل اخضر - ملح وكمون - بيض - بقسماط - دقيق

الطريقة
نقطع البطاطس مكعبات ونسلقها فى ماية ونقطتين خل وملح بس ما نسلقهاش جامد يا دوب تاخد غلوتين عشان ماتسيبش مننا بعد كدا وبعد ما تتسلق نهرسها جامد بالشوكة وضيفى ذرة ملح وكمون وفلفل اسود
الحشو
جبنة و زيتون وفلفل وبعد ناخد حتة بطاطس ونفردها على ايديكى وحطي عليها جزء من حشو الجبنة والزيتون والفلفل ولفيها كورة وحطيها فى الدقيق والبيض والبقسماط وحطيها فى التلاجة ربع ساعة تمسك ونقليها فى زيت غزير وتوطى علية عشان ما تتحرقش وقدميها مع مكرونة بالصلصة ومع تحياتى دعاء عاشور وبالهنا...