كيكة الذرة بالبرتقال

المقادير
كوب و نص دقيق ذرة - نص كوب دقيق ابيض - 3 بيضة - نص كوب زيت - فانليا - 2 معلقة صغيرة بكينج بودر- كوب سكر- كوب الا ربع ويقل قليلا عصير برتقال - بشر برتقالة ( يمكن الاستغناء عن البرتقال او العصير و يستبدل بالماء او اللبن الحليب )

الطريقة
زى الكيكة العادية هنضرب الاول البيض مع الفانليا مع بشر البرتقال و بعدين نضيف السكر ونقلب وبعدين نضيف الزيت و العصير ونقلب وبعدين نضيف الدقيق الابيض ودقيق الذرة و نقلبهم كويس لحد ما الخليط يتجانس مع بعضه وهنحضر صنية مقاس 24 مدهونة زيت ودقيق ونصب الخليط فيها ويدخل فرن ساخن و لما تستوى و الوش يحمر نستنى عليها لما تبرد و نبتدى نقطعها و نرصها فى طبق و تقدم مع تحياتى دعاء عاشور وبالهنا.