معمولة مصرية

مقاديرشـربات
3 كوب سكر- 1,5 كوب ماء- 1 ليمونة
مقاديرالعجينة
4 كوب دقيق -1 كوب ماء أو(لبن) دافئ -1 كوب زيت -1معلقة متوسطة سكر - 1معلقة كبيرة خميرة
مقاديرالحشوة
8 معلقة كبيرة سميد ناعم -3 معلقة كبيرة قرفة ناعمة
مقاديردهان الوجة
1 صفار بيضة -1 معلقة كبيرة لبن - فانليا

طريقة الشـربات
هنضيف السكر + الماء ونقلب ونسيبة على نار متوسطة ويبدأ فى الغليان نضيف الليمون ونسيبة يفور 5 دقائق ونطفى
وممكن نجرب بطرف المعلقة نصب قطرة من الشربات لما نلاقيه تماسك تعرفى ان خلاص الشربات كدة تمام

طريقة العجينة
1-هنضيف الخميرة والسكر وماء دافىء وهنضيف الدقيق مع الزيت والخميرة ونعجن
(وهى اصلا بتتعجن بماء بس انا بحب اعجنها بلبن قيمة غذائية وطعم)
لحد ما العجينة تلم معانا ونغطيها تخمر وهنقسم العجين جزئين هنفرد أول جزء تحت وهنرش السميد والقرفة افردى بنشابة الجزء التانى نحطة فوق الحشو هتكملى فرد وتظبيط بأيدك وهتقطعيها بالسكين
طريقة دهان الوجة
1-هنفصل الصفار عن البياض وهنضيف معلقة لبن ومعلقة فانليا
2-وبالفرشة هندهن الوجة
3-وهنسبها تخمر تانى لمدة 20 دقيقة هندخلها فرن حامى ولما تحمر نطلعها ولازم نعيد تقطعها تانى ونضيف الشربات

**ملاحظات
المعمولة مشهورة جدا فى الشرقية
وبتتعمل بالزيت فقط مينفعش سمن
الافضل ان القرفة تطحنيها فى وقتها بتفرق فى الطعم والريحة
المعمولة مش بتتحشى غير بالسميد والقرفة دى المعمولة الاصلية
يعنى مكسرات لااااو جوز هندلا وتقدم مع تحياتى دعاء عاشور وبالهنااا...