شوكليت ميروار

‫#‏مطبخ_دعاء_عاشور‬
بنستخدمه فى تغطية التورتة وبتديها لمعة هاااااااايلة
المقادير
نصف كوب عسل جلكوز (شراب الذرة) وممكن استبدالة بعسل نحل بس يفضل الجلكوز - نص كوب شربات - معلقتين كبار كاكاو - ربع كوب حليب - كوب كريم شانتى او كريمة خفق - فانيليا - كمية من الشكولاتة الخام (على حسب التقل اللى انتى عيزاة واللون اللى يعجبك سواء فاتحة او غامقة )

الطريقة
نسيح الشكولاتة على حمام مائى ونحط العسل و الشربات على النار اول لما يغلو نضفلهم الشكولاتة السايحة ونطفى النار وننقل الحلة على حمام مائى وندوب الكاكاو فى ربع كوب الحليب كويس جدااا ولو فيها اى كلاكيع نصفيها و نضفلة الفانيليا و نضيفة للشكولاتة ونقلب كويس وبعدين نضيف الكريم شانتى ونقلبة كويس جداا لغاية ما الخليط يتجانس وفى الاخر نضيف معلقة زبدة ونحفظ الخليط فى التلاجة ونستخدمة وقت اللزوم ولو جمد شوية ممكن نحطة على حمام مائى تانى قبل الاستخدام ومع تحياتى دعاء عاشور وبالهنا.