صينية الخضار بالبشاميل

المقادير
كيلو لحمة مفرومة معصجة - كوب كوسة مقطعة شرائح - 2 كوب بطاطس مكعبات - 2 كوب طماطم مكعبات - 2 ملعقة كبيرة بقدونس مفروم - 2 بصله مقطعة شرائح - ملح وفلفل - بهارات
مقادير البشاميل
3 ملعقة كبيرة زبدة - 3 ملعقة كبيرة دقيق - 2 كوب لبن - ملح وفلفل - بيضة

الطريقة
1- اسلقي البطاطس والكوسة نصف سوى لأنهم لسه هيدخلوا الفرن علشان يكملوا سواهم
2-شوحي الطماطم وشرائح البصل مع الملح والفلفل والبهارات في الزبدة
3-رصي الخضار (البطاطس والكوسة والطماطم والبصل) في الصينية بعد ما تدهنيها بالسمنة وبعد كده ضيفي عليهم اللحمة المفرومة المعصجة
4-لتحضير البشاميل
سخني الزبدة في طاسة على ناروبعد كده ضيفي عليها الدقيق مع التقليب لمدة 3 دقائق
5-ضيفي اللبن مع الاستمرار في التقليب (تفاديا لتكون أي كتل) لغاية ما الدقيق يختلط مع اللبن ويبقى البشاميل تقيل ويوصل للسمك اللي إنتي عايزاه
6- افصلي ربع كوب من البشاميل وصبي الباقي على الصينية وقلبى الكمية اللي فصلتيها مع بيضة وقلبيهم مع بعض كويس ووزعيهم على وش الصينية علشان تحمر لما تدخليها الفرن
7-دخلي الصينية في الفرن على درجة حرارة متوسطة وسيبيها لمدة 10 دقائق أو لغاية ما الوش يحمر وبعد كده طلعيها وقدميها وبالهناااااا..