غلطات تجنبيها خلال استخدام الطاسة التيفال

#قمر_البيت_لكل_ست_بيت


1 - تجنبي استخدام درجة حرارة عالية
الطاسات التيفال بتكون مخصصة لدرجات الحرارة القليلة فيفضل توطي النار وانتي بتستخدميها وخلي بالك إن الهمبرجر والفراخ واللحمة الستيك ممكن سواهم يبقى مش كويس ويتحرقوا لو عليتي النار


2 - اوعي تستخدمي سبراي الطبخ
لانه بيسيب تراكمات بعد استخدامه بتجعل عمر طاستك قصير وتبوظ بسرعة، استخدمي بداله الزيت أو الزبدة


3 - تجنبي خدش الطاسة بالملعقة
الخدوش اللي بتكون في الطاسة بسبب استخدامك لملاعق تقليب معدن بدل من الخشب ممكن تخلي بعد كده الأكل يلزق فيها


4 - اوعي تضعيها فوق بعض بشكل مباشر
ضعي منديل أو ورق شفاف بين الطاستين علشان تمنعي ظهور أي خدش عليها


5 - تجنبي وضعها في غسالة الأطباق
اغسلي باسفنجة وميه وصابون المواعين ويفضل بميه فاترة لان المياه السخنة وغسالة الأطباق ممكن يفسدوها


6 - اوعي تخزني أكل فيها وتضعيه في التلاجة
المواد المعمولة منها الطاسة ممكن تختلط بالأكل وتغيره طعمه وتقلل من قيمته الغذائية ومع تحياتى دعاء عاشور ..