قرص دايت ..

‫#‏مطبخ_دعاء_عاشور‬
المقادير
3 كوب دقيق - علبه زبادى لايت - معلفه خميره فوريه - كيس بيكنج بودر- رشه ملح - 3 معالق كبار سمسم - كوب لبن خالى الدسم - نص كوب سمنه على زيت سايحين او ممكن سمنه بس هى بالكوب صغير

الطريقة
نحط المقادير الجافه على بعضها الدقيق والخميره والبودر والملح وبعد كده نسيح السمنه على النار ونحط معلقتين من ال3 معالق سمسم عشان يتحمص معاها وبعد كده نحطهم على الدقيق و نفركه جامد بعدين نحط الزبادى واللبن ونعجن كويس ونريحها ساعه وبعدين نعملها كور صغيره ونبططها شويه او ممكن لو حابه تعمليها بملبن تجيبى الملبن مع نص معلقه سمنه على البارد وتهرسيهم بالشوكه وبعدين تجيبى كوره عجين وتفرديها وتحطى الملبن جواها
وبعدين تقفليها كويس اوى و تبططيها شويه وبعد كده ادهنى الصينيه زيت بسيط بفرشاه ورصي فيها القرص ونريحهم ساعه كمان ودهن وشهم ببيض مع شويه لبن ورشي باقى السمسم ونخبزهم فى الفرن على نار متوسطه لمده نص ساعه ونحمر وشهم شويه تحت الشوايه لو محتاجين وتقدم ومع تحياتى دعاء عاشور وبالهنا..