اصابع رقاق مقرمش

‫#‏مطبخ_دعاء_عاشور‬
المقادير
نصف كيلو رقاق طرى - نصف كيلو لحمة مفرومة - بصلة مفرومة - بهارات - ملح - فلفل - ثوم مفروم - خضار ( فلفل ألوان - جزر مبشور- سبانخ مخروطة - مشروم ) - زبدة سايحة - شوربة مغلية لو عايزاه طرى مش مقرمش - معلقتين جبنة موزاريلا

الطريقة
نتبل اللحمة المفرومة بالبصل والملح والفلفل والبهارات
ونسخن حلة على النار وننزل باللحمة المتبلة تاخد لون ونقلب شوية ونغطى الحلة ونوطى عليها النار شوية عشان اللحمة تستوى وبعدين نحط التوم المفروم ( أحلى حاجة إنك تضيفى التوم بالطريقة دى وما تحمريهوش مع البصل ) ونقلب الخضار مع اللحمه وغطى الحلة
ونفرد الرقاق وندهنه بالزبدة لو عاوزه مفرمش بس لو عايزاه يكون طرى بابله بالشوربة المغليه وندهنه بالزبدة برضه الرقاق بيحب الزبدة ونحطه فى الصينية ونحط حبة من الحشوة ونلف الرقاق زى ورق العنب دور الجبنة تحطى حبة صغيرين تسدى بيهم الصباع من فوق وعلى الفرن بتاخد لون من تحت ومن فوق وتقلبى الصوابع ويقدم ومع تحياتى دعاء عاشور وبالهنا....