شكولاتة ماندولين

#‏مطبخ_دعاء_عاشور‬
المقادير
دقيق (حسب ما تاخد العجينه ) حطي 4 اكواب - بيضتين - ربع كوب لبن - معلقتين سمنه بلدي - كوب شربات ( بتاع البسبوسه ) - فانيليا - ربع معلقة بيكنج بودر - نصف معلقة نشادر

الكراميل
سكر - قشطه - زبده او زيت
شكولاته

الطريقة
نحط الشربات وعليه اللبن والسمنه والبيض ونضيف الدقيق ونعج وبما انها فيها نشادر فان البسكوت هينفش ويبقي هش ممكن تفردي العجينة ولازم تكون رقيقة جدا علشان هتعلي عند التسويه وبعد ما تفرديها تقطعيها مستطيلات او علي شكل بسكوت النشادر عادي وحطيه في صنية مستطيله لكن لو حابة تشكليه بشكل غير ده هينفع كده خلصت مرحلة البسكويت ندخل علي

الكراميل
بنحط كوبايتين سكر في طاسه علي نار هاديه من غير ميه ولا شيء ومن غير ما نقلب كتير ونسيب السكر لغاية ما يسيح علي النار اول ما يسيح بننزل عليه بالقشطه ونحاسب لانه بيفور وبسرعة شديده نقلب لغاية ما يفك السكر خلصنا كده الكراميل

الشكولاته
بنسيحها عادي علي حمام ميه ولو حابينها تدوب وتبقي ناعمه نضيف ليها معلقة زيت دره

نركب الماندولين
نغطي البسكويت بطبقة من الكراميل ممكن نحط فول سوداني كمان وندخلها حبه التلاجه نكون مسيحين الشكولاته وناخد البسكويت اللي غطيناه بالكراميل وننزله في الشكولاته ونطلعه علي شبكه يكون تحتها ورق زبده علشان اي كمية شكولاته تنزل من البسكويت نرجع نستفيد منها وتدخل التلاجه وتقدم ومع تحياتى دعاء عاشور وبالهنا.