الديك الرومى مشوى فى الكيس الحرارى

#‏مطبخ_دعاء_عاشور‬

المقادير
ديك رومى وزنه 3كيلو و 400 جرام - بصل - جزر - حبه طماطم - صلصه وزيت للدهن - ملح - فلفل - بهارات - زعتر - روزمارى - قرفه - جنزبيل بودره - ريحان - معلقه خل ابيض

الطريقه
اغسلى الديك كويس جدا بالخل
والدقيق والملح
البصل والجزر والطماطم والتوابل ومعلقه الخل اضربيهم فى الخلاط وقلبى معلقتين الصلصه مع حبه زيت لدهان بيهم الديك بعد التتبيل
خذى من التتبيله واحشى الديك من الداخل وبين الجلد وعند الرقبه
خلصت تتبيله من كل النواحى وهاتى الصلصه مع الزيت وادهنى من الخارج الخطوه ديه مهمه عشان يتحمر وفى نفس الوقت ميلزقش فى الكيس جيبى دباره ولمي الرجلين على بعض واربطيهم
ممكن الديك بتتبيله واقفله الكيس الحرارى تشيله من بليل لتانى يوم ولو فى نفس اليوم يفضل يتبل قبل التسويه ب 6 ساعات

*معلومه مهمه جدا ناخد بالنا منها لان فى كتير ميعرفش ايه هى مده سوا الديك الرومى فى الفرن هى ان كل كيلو بياخد ساعه فى الفرن
بمعنى ان ديك ده 3 كيلو و400 جرام اخد بالظيط 3 ساعات ونص تقريبا بعد تحميره كمان وافتحى عليه بعد 3 ساعات وتلت خرج وشيلى الكيس من عليه وشغلى الشوايه عشان الظهر كمان يتحمر اخد حوالى 5 دقايق تحمير الظهر والجوانب ويقدم ومع تحياتى دعاء عاشور وبالهنا..